منتدى الفرح المسيحى - حتي لو قالك مش ح تصدق

https://upload.chjoy.com/uploads/154867495951871.jpg

آلام بتوجع لكن مخبية جواها رحمة فياضة
؛ حاجات بتحصل علي طول زي : ‏
‏قصة حب أو خطوبة ما تمتش ..
‏فرصة شغل و راحت ..
‏فلوس و خسرتها ..
‏حادث سيارة..
‏حصل و ما خفش لدلوقتي ..
‏صاحب و خدعني..
‏أمل أو حلم و ما اتحققش..
فرصة او لقطة تشتري حاجة و ما تمتش..

من الأمثلة الشهيرة خيانة إخوة يوسف
و ظلم مرات فوطيفار اللي ما اتفهمش
غير بعد سنين لما كل ده خللي يوسف بقي رئيس وزارة مصر ..

مثال تاني : لما يسي أبو داود رفض يوديه الجيش
، جليات قعد يعير شعب الله ٤٠ يوم .
. راح داود يزور اخواته في الجيش
، و هناك لقي جليات العملاق بقاله ٤٠ يوم يشتم الشعب
..و ده كان السبب اللي خللي داود يهزمه
و يبقي رئيس جيش شاول و يتجوز ميكال بنته ..

‏كل امور الله فيها تدبير خير جاي قدام ..
‏كل ده هدفه يمنع عنك ضرر أكبر انت لا شايفه
و لا عارفه و لا فاهمه ، او خير اعظم جاي
احسن آلاف المرات من اللي راح منك
..و تفتكر حتي لو ربنا قالك هدفه دلوقتي ح تفهم او ح تصدق ؟؟

دلوقتي بس "سلّم" و اشكر و استني و اصبر و اطلب عزاء الهي ..
‏‏ربنا وحده قادر على توظيف الدنيا باللي فيها
علشان يحميك و يحميك و يرضيك ..