زوادة اليوم: وثقوا فيه
 

زوّادة اليوم: وثقوا فيه
إيّام بيصير قدّامك شي ما بيكون بيعنيك ابدا بس بيخلّيك تفكّر بإشيا و فكرة بتجر فكرة و بتصير كأنّك بغير دني! اوقات هالأفكار بيكونو فرحين بيصيرو عيونك يلمعو و اللي حولك بيتحزّرو شو سر فرحتك و ايّام بتغرق بأفكار حزينة كمان بيلمعو عيونك بس هالمرّة دموع و كمان اللي حولك بيتحزّرو شو اللي زعّلك فجأة. الغريب انّو بالحالتين ما بيكون عندك تفسير للي صار، اوقات كتير الكلمات ما بتوفي افكارنا و احاسيسنا حقّن و ما بتعبّر عنّن مزبوط...
الناس اللي بتلاقيهن حدّك بهيك وقت، اللي بيتحمّلو زعلك اللي بلا سبب و بيشاركوك ياه قد ما كان الموقف غريب، و اللي بيفرحو لفرحك و بيضحكو بس تضحك هنّي اللي ربنا بيحطّن بطريقك متل ادوية عا شكل ناس! الله خلقنا نحنا و افكارنا و طبعنا و كل شي فينا و بيعرف كل شي بلا ما نقول. وثقوا فيه و امشوا الطريق اللي رسملكن ياها بلا خوف اكيد رح يكون في نزلات و طلعات بس كونو اكيدين انّو بالآخر كل شي رح بيصب لمصلحتكن...الله معكن

https://b.top4top.net/p_1119aehy30.jpg

رد: زوادة اليوم: وثقوا فيه
 

ميرسي على زوادة اليوم

رد: زوادة اليوم: وثقوا فيه
 

وثقوا فيه و امشوا الطريق اللي رسملكن ياها بلا خوف