منتدى الفرح المسيحى

https://upload.chjoy.com/uploads/154766745335281.jpg

أسطورة بتقول أن راجل لقي الشيطان في عرض الطريق و ما سلمش عليه ،
فغضب وسأله (ليه ما بتسلمش علي؟)
أجاب الرجل (لأنك السبب في كل شقاء وشر في العالم!)
قاله الشيطان انت غلطان يا صاحبي ، أنا مش السبب تعال معايا و شوف بنفسك..

مشي الاتنين لمكان السوق المليانة بالبيع والشرا ..
دخل الشيطان دكان بياع حلوى، وكان على الأرض وعاء من العسل
.. الشيطان حط صباعه فيه و حط نقطة عسل علي جدار الدكان ،
وحالًا اتجمع الدبان حوالين العسل؛ بعدين خرجت السحالي من الشقوق علشان تاكل الدبان .
. شوية و قطة صاحب المحل حريت ورا السحالي علشان تطردها؛
شوية كمان ، كلب الجيران شاف القطة، فجرى وراها،
و هو بيجري قلب وعاء العسل و دلقه علي الأرض .
. صاحب الدكان اتعصب من الغيظ من جاره صاحب الكلب،
وبدأت خناقة باللسان و بعدين لكم وضرب .. وانقسم أهل الحي فريقين مع الخصمين
ودارت معركة عنيفة بين الطرفين انتهت بعدد من القتلى والجرحى وخسائر مادية كبيرة !!

التفت الراجل إلشيطان وقال له: شفت ؟ مش قلت لك انك علة كل شقاء وشر في العالم؟
رد الشيطان أنا يادوب حطيت نقطة عسل علي الحيطة !!

و سؤالي لكل واحد : مش ده اللي بيحصل في بلادنا و بيوتنا و كنايسنا ؟

نقطة عسل واحدة من الشرير تولع الدنيا : تخرب بلاد و تفرق احباب و توقع الناس في بعض ..

حاسب من أول كلمة في الخلاف بينك و بين الناس ،
و علي قد ما تقدر انهيها بسرعة و ازرع السلام ؛ نهايتها شقاق و خناق و شقاق ..
حاسب من أول نقطة عسل ..
صح ؟؟