منتدى الفرح المسيحى - المهم شكلك ايه !!

https://upload.chjoy.com/uploads/154766645050521.jpg

مش مهم كانت بتعمل ايه و مع مين ، المهم رجعت البيت بدرى ..

مش مهم ح يعمل ايه بعد كده أو مقتنع بإيه، المهم يبين احترامه لاهله و يقول حاضر ..

مش مهم يستفيدوا من الاجتماعات أو يسمعوا الوعظة و يغيروا سلوكياتهم
، المهم ما يقفوش في الحوش مع بعض و شكلهم يبقي وحش..

مش مهم القلب يبقي نقي و لا بتصلي و تقرا الكتاب
، المهم لبسها يبقي حشمة علشان ما حدش يقول علينا حاجة ..

مش مهم نصلي في القداس من قلبنا أو نسمع كلمة ربنا و نطبق كلام العظة
، المهم شكلنا يبقي حلو قدام الناس و نقعد بهدوء ..

مش مهم نقاوة الفكر أو طهارة القلب ، و لا المحبة ولا المسامحة
، المهم ناكل اكل صيامي، و ما ناكلش قبل التناول ب ٩ ساعات ..

الشكل هو القوة الحاكمة علي الناس ..
المهم القميص يكون شيك لان ما حدش بيشوف احنا لابسين ايه تحته ..
الشكل مهم ، اكيد ، بس عمره ما ح يكون بأهمية الجوهر:
ح تضحك علي الناس ممكن و علي نفسك جايز ، لكن عمرك ما ح تخدع ربنا ..