منتدى الفرح المسيحى - انت هو هذا الشخص يارب

https://upload.chjoy.com/uploads/154740425318661.jpg

تفتكر ايه اللى كان هيحصل لو قُلتلك ان :
احنا عايشين فى عصر المسيح دلوقتى..!!

طبعاً كلنا كنّا هنقول اننا هنفضل ماشين وراه
مع الجموع ..التلاميذ...العدرا...الرسل القديسين..

بس السؤال اللى عاوز اسأله ومحتاج اكون صريح مع نفسى
...محتاج شوية شجاعة وانى افكر بجد عشان ارد عليه..

-هل فعلاً كنت همشى وراه وهقبله فى حياتى ؟!

-هل لو كان موجود قدامى كنت هتغير ؟!

اصعبها_شوية...

هو احنا أساساً عاوزين نشوفه ازاى ...!؟
عايزين نشوف #هيئته تكون ازاى..؟
ملامحه شكلها ايه..؟!
مستواه المعيشى شكله ايه ؟!!

-هل كان ممكن نقبله لو عرفنا انه أتولد فى مزوّد؟!
-هل ممكن نقبله لو شايفينه ابن لعدرا من الروح القدس ؟!
-هل ممكن نقبله لو شايفينه قاعد مع ناس فقرا وخطاه ومساكين..؟!

https://upload.chjoy.com/uploads/154740433223291.jpg

-هل ممكن نقبله وهو اقرب ناس ليه مش معاهم شهادات ومُتعلمين (جهلة)..؟!
-هل ممكن نقبله وتلاميذه شغلنتهم مش حاجة كبيرة فى الدولة لكن اللى صياد...عشار..الخ؟

طيب لو كنّا قبلناه بعد كل ظروفه اللى فوق دى☝️
كنّا هنعمل ايه وقت القبض عليه ...
ابقُبلة_نسلمُه_ام_بسيف_ندافع_عنه.. ؟!

اسنعترف به...ام بأعلى صوت سننكره..؟!
اكنا سنبرئه...ام سنصرخ عالياً اصلُبه..؟!
هل كنّا سننتظر قيامته..ام سنقف كالحراس امام قبره لنشهد بالعكس..

عاوز أقول ايه...
عاوز أقول انه فعلاً موجود واحنا فى عصره..
موجود حوالينا..
موجود فى كل شخص بنتعامل معاه..

موجود وبيستنى مننا نبادله محبة..
أيد تتمدله.....مشاعر مشاركة حقيقية...
ضحكة فى وشه وسط همومه من القلب..

https://upload.chjoy.com/uploads/154740440531531.jpg
موجود فى كل الناس من غير فرق طبقات..
فى شخص جعان...عطشان...عُريان...

https://upload.chjoy.com/uploads/154740448463931.jpg
مجروح ..مسجون...باكى...مُدمن...
ذوى احتياجات خاصة ( المُعاقين )..الخ

المهم اننا فعلا نقدر نشوفه فى الشخص ده..
نراعى مشاعره..نتخيل فعلاً انه المسيح ونشوف كنّا هنتعامل معاه ازاى...

https://upload.chjoy.com/uploads/154740452410261.jpg

نشوفه لكن بعين الإيمان والحب اللى من غيرهم احنا فعلاً #اموات...

#أأنت_هو_ذلك_الشخص_يارب...❤️