منتدى الفرح المسيحى - شايفك وشايف قلبك

https://upload.chjoy.com/uploads/154727352388061.jpg

شايف قلبك الطيب ورا غضبك و عصبيتك،
و شايف نفسك الحساسة ورا حزنك و تكشيرتك..
شايفك بتدوري علي حب اتحرمتي منه
ورا هدوم انت نفسك مش راضية عنها
و ما كانش مفروض تلبسيها، و شايف اهانات
و قسوة في الماضي و جروح نفسية ،
كل ده مخبياها ورا علاقات كلها في الضلمة..

شايف ماضي كله أذية ورا مخدرات استعبدتك،
و شايف نفسية متكسرة ورا عنفك و شتايمك و عبوديتك للشهوة ..

نظرة الناس كلها قسوة و ادانة و تحقير
، لكن ربنا شايفك و عاذرك و حاسس بيك
؛ و علمني اشوفك زي ما هو شايفها ..

روح بكل اللي فيك لربنا اللي عارف انك ضحية لنفسك
و لظلم الناس و قسوة الزمن ..

هو قابلك و بيحبك زي ما انت ،
و ح يرجعك سليم و معافي و منصور..