منتدى الفرح المسيحى - بجعل رزقك في رجليك

https://upload.chjoy.com/uploads/154710922850331.jpg

لما يحب يرزقك يغرقك من خيره زي التلاميذ
، هو اللي أمر السمك و هو اللي ملالهم الشبك .. (راجع لوقا ٥ و يوحنا ٢١) ..

لما يأمرلك بالخير يبعت لك لغاية عندك صاحب
يغير لك حياتك و يعلي مكانتك زي ما بعت ليوسف الساقي
لغاية عنده في السجن و عرفه علي فرعون و بسببه بقي رئيس وزارة (تكوين ٤١)..

و لما يحب ينصفك ، يطير النوم من عين الملك
و يفكره إن مردخاي أنقذه،
و يخليه يبعت له علشان يرجعله كرامته و زيادة شوية (استير ٦) ..

و لما يحب يرزقك لما الدنيا تضيق عليك
، يبعت لك وقت الجوع غراب معاه خبز و لحم زي إيليا (١ ملوك ١٩) أو يباركلك في الزرع ١٠٠ ضعف
وقت القحط زي ما عمل مع إسحق (تكوين ٢٦)

ربنا بيبعت لك سواقين الخير لحد رجليك
، و مرات كتيرة هو بنفسه اللي بيسوق خزاين الخير لغاية عندك
، من غير ما تتعب و لا حتي تطلب و أحيانا اكتر مما تحلم ..
رزق ربنا و حمايته بيجروا علي ولاده
و بيخشوا لهم من غير ما يخبطوا الابواب ..

و صدقت دعوة أهالينا زمان : "يجعل رزقك في رجليك" ..