منتدى الفرح المسيحى - اهلا 2019 جرعة امل ليها

https://upload.chjoy.com/uploads/154638012244721.jpg

2018....🙋‍♂️
كانت سنه مليانه باحباطات وضيقات لناس وبرضو كانت سنه مليانه ببهجه وفرحه لناس تانيه🤷‍♀️
المهم انها عدت ع الكل بحلوها او مرها😌..تمام
انسي اللى فات ده كده وتعالى خد جرعة امل وتفاؤل للسنه الجديده دى🙈
ماتسمعش كلام الناس اللى مش معاها غير جملة "هتكون اوحش م اللى فاتت 😒"!
ليه ماتكونش انت جرعة الامل دى وتخليهم يغيروا تفكيرهم البائس 🙈
قول دايما انها هتكون سنة(خير....تعويضات...فرحة...شكر...الخ)
ف بداية كل يوم جديد ف السنه دى قول لربنا واثق انك هتخلي النهارده احلى م اللى فات😌.
مجرد الجمله دى هتغير مودك باقى ليوم ❤
لو حسيت ف يوم فيها بالم او ضعف او خذلان من حاجات كتير
اوعى تستسلم وتقول خلاص اهو النكد بدأ يشتغل 😐..
لاء ..اجري ع حضن ابوك واشكيله وقوله مش انت وعدت انها هتكون احلى م اللي فاتت
وانا مستنى..اجري عليه واطلب منه يغير الوضع وهيغره ف الحال😍..بس خليه اول واحد تجرى عليه😉
كل لحظه هتعدى....كل يوم هيجي غيره..كل سنه هتخلص وكل ضيقه مسيرها يجي يوم وهتتقلب لافراح💙
ايام غربتنا ع الارض مش كتير ... بس هى "غربه" ولازم نتحمل اللى بيحصل فيها لحد مانوصل لوطننا الحقيقي "السما"💙
قضوا ايام غربتكوا ع الارض مع ربنا عشان تطلعوا فوق وتقضوها كمان معاه 🙏
قضوها ف فرحه ورضاه ..قضوها ف الشكر ..قضوها معاه
ومش هتحسوا غير بانكوا طايرين عن العالم وضيقاته ...الهك هيصنع معاك عجايب بس خليك معاه❤🌊
#اهلا_2019🌟
#جرعة_امل_ليها😍