منتدى الفرح المسيحى - مكانش فارق معاه احنا مين

https://upload.chjoy.com/uploads/154530369871711.jpg

شوفت ساعة حلوة اوي ورخيصة
وكنت عايزة اشتريها بس لما روحت اشوفها
اول حاجة بصيت عليها هي مصنوعة فين؟
لقيت مكتوب made in China ايه دا صيني؟؟
لأ طبعاً انا عايزة حاجة حلوة تكون كوري او ياباني!!
يعني تبقى قيّمة وغالية!!!
لكن احنا بقى لما يسوع اشترانا
ماكانش مهم بالنسبه له ايه شكلنا ولا شغلنا ولا احنا منين..
هو عايزنا زي ما احنا كده ماكانش بيختار مين حلو ومين وحش!!
أنا وانت غاليين اوي لأن قيمتنا مش في شكلنا الحلو ولا في امكانياتنا ومواهبنا لكن قيمتنا في الهنا
احنا صُنع رباني، إدفع فينا تمن غالي اوي
.. إدفع فينا دم ثمين .. دفع فينا دمه..
قادر تشوف نفسك زي ما يسوع شايفك
ولا لسه بتشوف نفسك بعنين الناس؟