منتدى الفرح المسيحى - سنة ميلاد المسيح

https://upload.chjoy.com/uploads/154524975765781.jpg

كل واحد فينا عارف تاريخ ميلاده وبيحتفل بيه ..
وإحنا في الأيام دي على وشك نحتفل بعيد الميلاد المجيد ( ميلاد الرب يسوع )
طيب حد عارف يسوع اتولد يوم إيه؟ كام في الشهر؟
وليه دايمًا بنقول إن ميلاد يسوع قسم التاريخ؟!
- المؤرخ المشهور يوسيفوس قال بوضوح أن هيرودس الكبير اللي مات بعد ولادة المسيح بوقت قصير ( متى 2 )
مات قبل عام 754 لتأسيس مدينة روما وهذا العام يقابل سنة 4 قبل الميلاد !!
وعلشان كده الحوادث اللي حصلت بعد ميلاد المسيح
وقبل موت هيرودس المفروض تكون حصلت في سياق السنة الرابعة قبل الميلاد
، إذًا فميلاد المسيح تمّ إمّا في أواخر سنة 5 ق.م أو في أوائل سنة 4 ق.م.
نعم، الإجابة التي لم تكن تتوقعها، هي أن السيد المسيح قد ولد قبل الميلاد!
وذلك حسب التقويم أي طبقًا للناحية التأريخية
أو التقويم الغريغوري المُستَخدَم حاليًا في العالم..
أول من اخترع فكرة التقويم المسيحي هو الراهب " ديونيسيوس اكسيجُؤس "
وده بسبب أنه كان عام 754 لتأسيس مدينة روما فربط بين هذه السنة
والعام الأول الميلادي ومن بعدها بدأ التقويم المسيحي