منتدى الفرح المسيحى - زوادة اليوم : البيُاع الطميع

زوّادة اليوم: البيُاع الطميع
بيخبرو عن ختيار مسافر مِشي طريق طويلة تعب كتير و جاع وصل عا ضيعة التقى ببيّاع تفّاح. طلب منّو يعطيه تفّاحة يسدّ جوعو فيا بس لاقى البيّاع الطمّيع البخيل انّو ما معو مصاري الختيار ما قبل يعطيه شي. وقع عالأرض الختيار من الجوع. كان مارق زلمي شافو وقف يساعدو قام الختيار خبّرو عن بيّاع التفّاح راح هالزلمي اشترالو تفّاحة بس اكل الختيار التفّاحة حفر شوي و زرع البزر اللي بقلبها. فجأة طلعت شجرة تفّاح كلها ثمر و اختفى الختيار! صارو كل ولاد الضيعة يقطفو منها و ما حدا اشترى من البيّاع الطمّيع بقا و خسرت تجارتو و فهم انّو طَمَعو هوّي اللي خسّرو! بزمن العيد ساعدو قد ما بتقدرو ما تنسو انّو كل خدمة بتعملها عالأرض بتكون عم تكنز الك كنز بالسما! الله معكن