منتدى الفرح المسيحى - بطرس (السجن للجدعان)

https://upload.chjoy.com/uploads/154413729316841.jpg

الأصحاح الـــ 12 من أعمال الرسل بيحكي عن حادثة مشهورة في الكتاب المقدس
وهي مقتل يعقوب أخو يوحنا بالسيف بأمر من الملك هيرودس،
ولأن هيرودس كان بيحب يرضي اليهود فقبض على بطرس
لأنه عِرف أنهم كده هايبقوا مبسوطين ودخلّه السجن!!
وعلى باب الزنزانة وقّف 4 عساكر بيتغيروا كل شوية علشان يحرسوه
و ما يهربش منهم، وكان في خطة هيرودس أنه يسلمه لليهود بعد عيد الفصح علشان يحكموا عليه
إذا كان هايموت ولا هايخرج!!
وابتدت الكنيسة تصلي بلجاجة من أجله، وفي الليلة اللي كان هيرودس هايسلم فيها بطرس لليهود..
جاء ملاك الرب لبطرس وصحاه من النوم وخرّجه
وكل ده بطرس كان فاكر أنه بيحلم أو بيشوف رؤية!!
بيقول الكتاب أنه لما رجع إلى نفسه يعني ابتدى يفهم اللي كان بيحصل معاه ده إيه
، وعرف أن الكنيسة كانت بتصلي علشانه قال" الآن علمت أن الرب أرسل ملاكه
وأنقذني من يد هيرودس ومن كل انتظار شعب اليهود"
اتشجع... إلهك حي وبيهتم بكل طلبة صلاة ويقدر ينقذك من كل مخاوفك
، كلمه وحكي معاه 🙂🙏
#السجن_للجدعان