زوّادة اليوم: المجوس الرّابع
زوّادتنا قصّة زغيرة رمزيّة عن عيد الميلاد بتقول انّو كان في مجوس رابع اضطر انّو يتأخّر تا يلحق رفقاتو عالمغارة عند يسوع. خلّص شغلو و مشي لاحقن بيتلاقى بست ختيارة عايزة دوا بيروح بيشتريلا الدوا و بيكمّل طريقو رجع التقى بولد جوعان وقف قدّملو اكل و مشي شوي بيلتقي برجّال فقير بيعطيه كيس دهب و بقي ماشي .... شوي وصل لاقى حالو عالجلجلة قدّام يسوع معلّق عالصليب! صار يعتذر من الرب انّو ما وصل مع رفقاتو عالمغارة و انّو تأخّر كتير حتّى اجا و قد ما انشغل ما جاب معو هدية. جاوبو الرب اللي انت عملتو هوّي اكبر هدية...كنت جائعا فأطعمتموني و مريضا فزرتموني....كل ما فعلتم لأحد اخوتي الصغار فلي عملتموه. الرب مش ناطر منّا هدايا بدّو بس انّو نحب و نخدم بعضنا! العيد مش بالهدايا العيد بالقلوب المحبة الدافية...الله معكن