منتدى الفرح المسيحى - كلنا محتاجين قاعده مع نفسنا

كلنا محتاجين قاعده مع نفسنا
*********************
*ناس مننا لو قعدت مع نفسها
هتدرك تصرفات غريبه
عمرها ما كانت تتصور انها تعملها
لكن مع زحمه الحياه اضطرت تستعملها

*وناس تانيه
لو قعدت من نفسها
هتغيرها
هتصلحها
هتخليها ديما كويسه

*وناس تانيه
لو قعدت مع نفسها
ممكن متعرفهاش
هيجيلها حاله استغراب
انتى مين
وبتعملى ايه
وتبدء يادوبك هتتعرف عليها

* وناس قافله على نفسها من اى حاجه

*وناس تانيه خالص بقى
هى ونفسها
كأنهم اتنين
ديه مبادئها غير تصرفات ديه
النفس مبتكدبش لكن الشخصيه بتضطر تكدب
تبدء تدخل فى صراع مع نفسها
ليه كده وعملتى ليه كده
وايه اللى غيرك كده
وتبدء فى معاتبه شديده مع نفسها

*وناس
بتعمل كل اللى فى نفسها
مش حارمه نفسها من حاجه
غلط صح
انا عاوز كده
وهعمله يعنى هعمله
سايبه نفسها لاى حاجه

*وناس تانيه
مبتشوفش نفسها
مبتتكلمش مع نفسها
بتفتكرها قبل بس ما تنام
وساعات بتسيبها وتنام
وتسيبها تتكم لوحدها

*وناس تانيه
راكنه نفسها على الرف
مبتفكرش تعاتب نفسها
ولا تشوف نفسها من سنه
مش عاوزة تفتكر تفسها اصلا

*وناس هى ونفسها واحد (ودول طبعا النادروون جده )
بتعاتب نفسها أول بأول
بتصلح نفسها من اول غلطه ترتكبها نفسها
بتنام ونفسها بتنام معاها
ناس كده عايشه حياتها صح
بتحاسب نفسها أول بأول

يا ترى كل واحد فينا انو واحد من دووول ؟؟؟؟

حافظ على نفسك
وحاسبها أول بأول عشان تعيشها صح