منتدى الفرح المسيحى - فكة الاربعين جنية ابونا فلتاؤس

🙏قصة اليوم 🙏
ابونا فلتاؤس السرياني 😍 و فكة الاربعين جنيه 😂😂

يحكى أحد الزائرين
من عشرين سنه كنت في خلوة في دير السريان
و واقف في الكانتين ببيع
دخل ابونا فلتاؤس❤️ ( و كنت اول يوم اشوفه )
و قالي ( يا اخ يا اخ )
قولته نعم يا ابونا
قالي معاك فكة ( ٤٠ جنية ) 😄
قولت ايه فكة ٤٠ جنية دي انشالة
قالي هاديلك عشرنتين و عاوزهم جنيهات
قولت طيب
المهم اخد الجنيهات و قعد يعدهم كذا مره
و انا مستغرب و مش فاهم حاجة و بضحك علي طريقته
مشي ابونا فلتاؤس و وقتها سالت ابونا المسئول عن الكانتين هو ابونا بيعمل كده ليه 🤔
قالي ماعرفش 😊
تاني يوم لاقيت ابونا الراهب بيقولي يا فلان عاوز تعرف ليه ابونا فلتاؤس امبارح طلب ٤٠ جنيه جنيهات
قولت له اه
قالي واحد من الوادي جه الدير و حكي انه شغال في محل عصير قصب
ابنه كان تعبان و أخده للدكتور
و الدكتور كتب روشته
الراجل اخد الروشتة و راح تمنها في الصيدلية
و طلع الدوا ب ٣٩ جنيه
الراجل قال لمراته بعد الشغل النهاردة هاطلب من صاحب المحل سلفة ٣٩ جنية علشان اجيب الدوا
و في نص اليوم الراجل لقي ابونا فلتاؤس داخل و معاه ٣ كمان و طلبوا ٤ عصير قصب و ابونا فلتاؤس قال انا عازمكم.
ابونا سال الراجل حسابك كام
الراجل قاله ٤ عصير بجنية
ابونا اداله ال ٤٠ جنية ملفوفين لفه واحد و قاله خد
الراجل قاله دول أكتر من جنية
ابونا فلتاؤس رد و قاله
دا جنيه يا اخويا دا جنيه
و سابه و مشي
الراجل عد الفلوس لاقهم ٤٠ جنية
و فهم ان ابونا فلتاؤس 😍 بيديله جنية تمن العصير ➕ ٣٩ جنية علشان الدوا بس من غير ما يقوله
و جه الدير يشكر ابونا و حكى +++
عظيم أنت يارب في قديسيك
صلواتهم تكون معانا جميعا....... امين يارب امين