منتدى الفرح المسيحى - اتمرمغ فى محبة يسوع

https://upload.chjoy.com/uploads/154236801573191.jpg

مرّات كتير بكون في صراع، واقف مش عارف اخد قرار في مواضيع كبيرة في الخدمة،
وقرارت في حياتي الشخصية، وقتها بجري على ربنا واقول له:
"قول يا رب عايز اسمع اجابة"، ومعظم الوقت بسمع صوته الحنين
بيقول لي:"تعالى، تعالى اشبع بحبي، اتمرمغ في غنى وشبع ابوك"
؛ ساعتها تفيض دموعي وأقول له:"ارجوك جاوب، عايز اسمع منك اعمل ايه؟
"، فيرد ويقول:"قرّب اكثر واكثر، خد محبة تجعلك متأصل وثابت ومُمَكَّن في محبتي"
، حتكبر وتتغير وتتشكل على صورة يسوع.

تكون عارف تاخد القرار المناسب،
لك نعمة في عيون الناس،
تشوف الوجع والظلم بأحشاء الرآفات،
تميّز تحركات ابليس،
ترفض اللي مش مني،
وتقول لا بشبع وشجاعة،
مدعوم ومسنود بالسلطان،
بتستر ضعفك في قوتي،
تجري بقوة في سباق الجعالة، وتحقق الهدف...

أنا عايزك تتمرمغ في محبتي، وهيّ اللي بتكبّرك وتخليك

زي_يسوع!