منتدى الفرح المسيحى - السجن للجدعان

https://upload.chjoy.com/uploads/154188348934221.jpg

هو أول شخص اتسجن في الكتاب المقدس
، وقت يوسف كان أول مرة يبقى معروف حاجة اسمها سجن،
السجن ده كان عند المصريين بس!
اتاخد يوسف واترمى في السجن ظلم، علشان اختار إنه يسمع كلام إلهه
ومايعملش الخطية مع امرأة فوطيفار!
وابتدى الله يظهر إحساناته ومراحمه ليوسف جوه السجن وبقى من الناس المعروفة
بسبب أمانته وثقته في إلهه.. طول الفترة دي الله كان بيعدّه
ويجهزّه علشان الحاجة العظيمة اللي كان داخل عليها،
أنه يبقى الراجل الثاني في مصر بعد فرعون، وكان تعويض ربنا ليه أكبر بكتير مما كان يتخيل!!
أوقات كتير لما بنمر بظروف صعبة وخصوصًا لمّا نكون مظلومين فيها،
بنحس بالعجز والوحدة والاستسلام للأمر الواقع
وبنفقد الأمل في كل حاجة أو أي حاجة حلوة ممكن تحصل،
لكن القصة دي بتعلمنا إننا نثق في الله أكتر وأن اللي شايفه سجن بالنسبة لك
ربنا بيحضر بيه خطة تانية
#السجن_للجدعان