منتدى الفرح المسيحى - عرفت اشوف حقيقتي معاك

https://upload.chjoy.com/uploads/154179539103491.jpg

أديت مشاعر وماتقدرتش
حبيت اوي والحب جرحك بالقوى
شوفت اللي قدامك حاجه كبيره وهو شافك أقل من النمله
جملت في حد وحسنت صورته وهو اتفنن في تشويه كل حته فيك.
زعلت وصعب نفسك عليك.
بدل ماتعيط وتصعب عليك نفسك حاول تفتح عينك بالقوي
وقتها هتعرف أن الحب صحيح بيوجع صاحبه.
كتير كنت بقوله يارب انت بتحبني ازاي كدا ؟
انت ازاي بتقبل اني اوجاعك وانت تزداد ليا حب؟
انت ازاي قابل اني مقدرش مشاعرك وأعملها اعتبار؟
ازاي بشوه صورتك قدام الناس وانت بتجملني وتحليني في عيون الكل؟
انت مش بيصعب عليك نفسك مني؟
اتاري الواحد في وجعه بيعرف يشوف وجع غيره
وان الحب مابيوجعش غير صاحبه فعلاً.
وقتها عرفت اشوف حقيقتي معاك.
شكراً لأنك حببتني بالقوي كدا ف الوقت اللي كنت بوجعك بالقوي فيه.
شكراً لأنك قابلني وبتنسى وجعي في ضحكه مني واعده معاك.