منتدى الفرح المسيحى - اقبل انك انسان يا انسان

https://upload.chjoy.com/uploads/154174502286491.jpg

اذا كان عندك ضعفات وخطايا مش عارف تتخلص منها
وإذ كنت بتصارع مع نفسك وشوية واقف
وشويه واقع مبروك انت انسان
اقبل نفسك وافهم ان ده طبيعى كل الناس كده مش انت بس
اقبل حب ربنا ليك حتى وانت فى حالتك دى
هو بيحبك كده وانت فى صراعك ده
وانت ضعيف وحتى وانت واقع بيحبك
اقبل ان الله أبوك يعنى يسند ويقبل مش هيطردك من البيت
بالعكس هو معك مش ضدك الاب إللى عايز ابنه جميل
وكمان بيقبل أخطائه وضعفه
اقبل انك بتتغير حتى لو ببطئ حتى لو مش شايف تغيير واضح
اقبل انك تغلط لأنك انسان لكن أرفض الاستمرار فى الخطأ وقدم توبه واعترف ليه
اقبل غفران الله لك الغير محدود
وصدق ان غفرانه أعظم من خطيتك وان رحمته أعظم من ضعفك
اقبل انك تقف قدامه تعلن انك ضعيف ومحتاج قوة وسنده منه
اقبل انك فى رحلة تغيير محتاجها وقت وصبر وصراع
اقبل عمل روح الله فيك وطلبه يشكلك ويعمل فيك
اقبل انك تكون حقيقى بدون تمثيل وواجه نفسك وضعفك
اقبل الكلمة الحيه التى تقدسك وتكشف ليك نفسك وتعرفك الطريق
اقبل انك تتحد بالمسيح وتناول
وتقوله اقبلك في قدسنى وغيرنى لصورتك واملانى منك
اقبل انك تشارك ضعفك مع حد تثق فيه بس اختاره كويس اوى يسندك ويصلى معك
اقبل انك انسان .. يا انسان