منتدى الفرح المسيحى - أمام كل سنحاريب يقف الله

https://upload.chjoy.com/uploads/154145016414991.jpg

بعد كل حادثة اتعودنا ان الجماعات الارهابية بتطلع بيان ان هما اللي نفذوا الحادث ..
وطبعا وهما فرحانين بده وبيفتخروا بقوتهم .. وفاكرين انهم كدة خوفونا

البيان ده بقى بيفكرني ببيان برضه في الكتاب المقدس هدد بيه سنحاريب
شعب ربنا والملك حزقيا في اشعياء 37 ...
وقعد طبعا يتطاول على الهنا في المنشور ده ويقول مش هيعرف ينقذكم من ايدينا .
. ده غير انه فتكر انه بالمنشور ده هيخوف شعب ربنا

فكركم كان رد ربنا ايه ؟؟؟

ربنا وصل رده للنبي اشعياء وقال :

" مَنْ عَيَّرْتَ وَجَدَّفْتَ، وَعَلَى مَنْ عَلَّيْتَ صَوْتًا، وَقَدْ رَفَعْتَ إِلَى الْعَلاَءِ عَيْنَيْكَ؟ عَلَى قُدُّوسِ إِسْرَائِيلَ!
عَنْ يَدِ عَبِيدِكَ عَيَّرْتَ السَّيِّدَ، وَقُلْتَ: بِكَثْرَةِ مَرْكَبَاتِي قَدْ صَعِدْتُ إِلَى عُلُوِّ الْجِبَالِ "

يعنى بالبلدي كدة انت نسيت نفسك .. انت فاهم انت بتعلي صوتك علي مين ... انت بترفع عينيك علي وبتطاول ..وفاكر نفسك قوي باسلحتك وجنودك ..

ويكمل ربنا ويقول :

" وَلكِنَّنِي عَالِمٌ بِجُلُوسِكَ وَخُرُوجِكَ وَدُخُولِكَ وَهَيَجَانِكَ عَلَيَّ.
لأَنَّ هَيَجَانَكَ عَلَيَّ وَعَجْرَفَتَكَ قَدْ صَعِدَا إِلَى أُذُنَيَّ، أَضَعُ خِزَامَتِي فِي أَنْفِكَ
وَشَكِيمَتِي فِي شَفَتَيْكَ، وَأَرُدُّكَ فِي الطَّرِيقِ الَّذِي جِئْتَ فِيهِ."

يعني عجرفتك وكبريائك وصلولي ... وانت باين متعرفش ايه اللي بيحصل في اللي بيتكبر علي ..
اضع خزامة في انفه .. يعني هيتعامل معاملة العبيد .. وشكائم في فمه
..والشكيمة دي اللجام اللي بيتحط للبهائم في بوقهم ..
يعني بالبلدي هخرسك خالص وهجرك (سوري يعني ) ذي البهيمة كدة لبلدك ...

وبعد كدة ربنا بعت رسالة يطمئن اولاده وقال :

" وَأُحَامِي عَنْ هذِهِ الْمَدِينَةِ لأُخَلِّصَهَا مِنْ أَجْلِ نَفْسِي، وَمِنْ أَجْلِ دَاوُدَ عَبْدِي "

وفعلا ربنا حامى عن مدينته وارسل ملاك قتل جيش سنحاريب وسنحاريب نفسه ولاده قتلوه في ارضه

الهنا قوي فعلا .. قادر على حمايتنا ومش هيسيب الظلم ينتصر .. واحنا جربنا ده في احداث كتير

كون انه سمح بكدة فده لاختبار ايماننا .. ولتوصيل شهداء للسماء ..
بس عدله موجود .. واكيد هيدافع عن اولاده