منتدى الفرح المسيحى - علاج الوجع الطبطبة

الانبا رافائيل ، كان بيجاوب على اسئلة الشباب !

https://upload.chjoy.com/uploads/154057674565261.jpg

واحد بعتله انا موجوع جدا من كنيستى و اترفضت منها !
رد قاله بالنص كدة :" انا لو اعرف انت مين ،
اجيلك دلوقتى و اخدك فى حضنى جامد
و افضل حاضنك لحد ما تستريح و بعدين اخدك كنيستك
ارجعك للمكان اللى اترفضت منه ، هستناك يابنى ! "
رفضك لخادم او لومك الشديد ليه مؤلم و قاتل و غير منسى قدام ربنا .
علاج الرفض الحضن و رد الكرامة مش الوعظ او التأديب او اللوم .
علاج الوجع الطبطبة مهما كان الشخص غلطان !
المحبة و السلامة و الرحمة فى الخدمة اهم من الخدمة
دورك كأمين خدمة انك ترد الغنم زى ما اتقال فى حزقيال 34 ،
ترد المكسور و الموجوع ، مش بس ترده ،
ده اتقال تجبر المكسور و المجروح تعصبه
، ربنا قال ويل لكل راعى اهتم بنفسه و مهتمش بغنمه !
هييجى يطلب منك شخصيا نفوس الغنمات ديه ،
هو نفسه قال كدة .
دورك كأمين خدمة انه مهما كانت قامتك الروحية
تنزل عن مكانك زى ما الانبا رافائيل عمل
و طيب بكلامه مخدوم موجوع
اصله عمل زى معلمه فى غسيل الارجل يا اما تعتذر عن مكانك