منتدى الفرح المسيحى - كلنا ف المسيح

https://upload.chjoy.com/uploads/153970062688771.jpg

-شاول شاول لماذا تضطهدنى
-انا مضطهدتكش انت انا بضطهد الجماعه المسيحيين ..
لحظتها اتعلم بولس درس عمره ..
أدرك أن هؤلاء المسيحيين هم فيه .. ف أحشاء مسيحهم ..
فهم انه لما بيضطهدهم بيضطهده هو شخصيا .. أصل المسيح مقالهوش
لماذا تضطهد اتباعى أو أبنائي لا قاله " لماذا تضطهدنى " ..
أدرك بولس أننا ف المسيح وان المسيح فينا ..
وتلامس معاها وحسها وسيطرت على كل أفكاره .. وكتاباته ورسايله ورجاءه ..
ف الأصحاح الأول ف أفسس 14 مره يكررها " ف المسيح .. "
فواضح أن دى مش كلمه عابره دا شافها وسمعها وحسها واكلها وشبع بيها ..
هل تتخيل أن بولس كتب 14 رساله .. تكررت فيهم كلمة ف المسيح 175 مره .
. كان يرى كل شىء ف المسيح ..
" ليجمع كل شىء ف المسيح ما ف السموات وما على الارض " (أف1: 10).
. كلمات تستاهل نقف عندها العمر كله ..
حتى وهو بيوصى الولاد على أبويهم " أيها الأولاد أطيعوا والديكم ف الرب "
وهو بيوصى الزوجات " أيها النساء اخضعن لرجالكن ف الرب " ..
حتى وهو بيبعت سلام .. " سلموا على فلان ف الرب .. سلموا على علان الذى كان قبلى ف المسيح .
. سلموا على فلان ف المسيح .. "
كان شايف كل حاجه ف المسيح .. كلنا ف المسيح .. صرنا احشاءه من لحمه ومن عظامه ..