منتدى الفرح المسيحى - مشهد لا يتعدى ال تلات دقايق

منتدى الفرح المسيحى (https://www.chjoy.com/vb/index.php)

- قصص مسيحية متنوعة (https://www.chjoy.com/vb/forumdisplay.php?f=42)

- - مشهد لا يتعدى ال تلات دقايق (https://www.chjoy.com/vb/showthread.php?t=588824)

مشهد لا يتعدى ال تلات دقايق

مشهد لا يتعدى ال تلات دقايق .. لكن منكرش انه فرق معايا
كنت منتظر حد في مكان ما في وسط البلد
وجنبي محل ايس كريم وجنبه كشك صغير
جت واحدة ست معاها عيلين سألت عن سعر الايس كريم
الراجل قالها بعشرة جنيه
قالتله ليه يعني
راحت جابت واحدة كونو من الكشك .. ودفعت تقريبا ٣ جنيه
وقاله للعيال .. انت حته واخوك حته
بيفتحوا الايس كريم لقوا مكسب
الفرحة اللي كانت فيهم فرحة حد كسب مع استاذ جورج قرداحي مليون جنيه
الغريبه مش فرحة العيال ..
الغريب كلمة الام قالتها .. لو كنا جبنا من الغالي مكناش كسبنا .. ربنا بعت لكل واحد فيكم واحدة .. ياللا ياعيال ربنا حنين

تعليم الام لولادها بان ربنا حنين رغم انها مقدرتش تشتريلهم الاغلى
درس عميق في الشكر مش اي حد يفهمه
مقالتش ليه يارب الاطفال التانيه بتجيب من الغالي وانا مش لاقيه ..
نهت الموضوع قبل ماتختفي من قدامي بكلمتين مش قادر انساهم
" ربنا حنين "