منتدى الفرح المسيحى - زوادة اليوم : خيرات الأرض

زوّادة اليوم:
منقرا بإنجيل لوقا: "من كان عنده قميصان فليقسمهما بينه و بين من لا قميص له."
بس نشوف اخوة عم يتخانقو عالأملاك و عالأراضي، بس نشوف مسؤولين بالبلد عم يتخانقو عالحصص كل واحد بدّو اكتر من التاني، بس نشوف زملاء بالشغل عم يتسابقو عالمناصب و الكراسي، بس نشوف بمجتمعنا الطبقة الغنيّة عم تزيد غنى و الطبقة الفقيرة عم تزيد فقر...منكون عايشين انانيّة و حب تملّك و كل شي إلّا اللّي ربنا وصّانا فيه! قلنا يسوع احبّ قريبك كنفسك، قلنا ساعدو غيركن، قلنا كل ما فعلتم لأحد اخوتي الصغار فلي عملتموه و نحنا ما عم نعمل شي إلّا نؤذي اخواتو الزغار و نهملن و منكون عم نعمل هالشي إلو! اليوم الزوّادة بتذكّرنا انّو خيرات هالأرض كتيرة و بتكفي الكل خلّونا نتشاركها بقناعة! الله معكن

https://upload.chjoy.com/uploads/153940220937921.jpeg