منتدى الفرح المسيحى - معجزة للشهيد بيشوى سريع الندهة

كنت عايزة أقول معجزة للشهيد بيشوى سريع الندهة حصلت معايا و اشكره عليها
انا خريجة كلية عملية و مقيمة خارج مصر، من فترة قدمت على امتحان مهم فى مجال عملى و الامتحان ده شروطه صعبة يعنى مش كل اللى بيقدم بيتم الموافقة عليه و يبقى مؤهل انه ياخد الامتحان، و جهة التقديم كل شوية يبعتولى ايميلات عشان أوضح المؤهلات و الخبرة بتاعتى، و مرة اتصلت بجهة التقديم و اتكلمت معاهم و مكانش فى اقتناع كامل أنى استحق اقدم للامتحان و قالولى لازم ابعتلهم بيانات و تفاصيل أكتر عن الخبرة بتاعتى و عدد سنين الشغل و بصراحة كنت فقدت الأمل انهم يوافقوا عليا و اتشفعت بالشهيد بيشوى سريع الندهة ووعدته ان لو تم قبولى و استوفيت الشروط للامتحان هبعت المعجزة على صفحته و فعلا حصل
و كمان أحب اشكر كل اللى اتشفعت بيهم العذراء أم النور، البابا كيرلس، مارمينا، و المارجرجس و ابو سيفين سراع الندهة، و ابونا سمعان الاخميمى و ابونا سمعان الأنبا بولا
بركة شفاعتهم كلهم تكون معانا
انا طبعا لسة ماخدتش الامتحان بس صلولى أنى انجح فيه لما أخده