منتدى الفرح المسيحى - معجزة ايجاد عمل بشفاعة الشهيد بيشوى القمص دانيال

وصلت لنا هذه الرشالة جاء فيها
"انا عايزة انزل المعجزة دي بدون اسم لو سمحت
انا ليا فترة كبيرة جدااااا بدور علي شغل ومش متوفقة ابدا وبتحصل حاجات تضايقني اوي صليت كتير واتشفعت بالشهيد بيشوي وتماف ايريني وقلتله الموضوع ده عليك وانا مش هدور تاني ابعتلي حاجة يارب من عندك من كام يوم لقيت واحدة صحبتي بتكلمني تقولي ابعتي السي في بسرعة للشغل ده قريب من بيتك والوظيفة حلوة ومرتبها كويس قدمت من غير امل اوي لقيتهم اتصلوا عندي انترفيو روحت عملولي اختبار كمبيوتر كنت حاسة اني مش كويسة اوي ومش هيتصلوا لكن كلموني تاني يوم علشان انترفيو تاني روحت وافقوا بالمرتب الي طلبته بس اتضايقت علشان اجازة جمعة بس وانا كان نفسي جمعة وسبت صليت وطلبت الشهيد بيشوي قلتله كمل فرحتي ارجوك.
اتفاجأت انهاردة انهم وافقوا وفرحت جدا هستلم شغل الاسبوع الي جاي بأذن يسوع ...شكرا يا رب وشكرا لصلاتك وشفاعتك ياشهيد الرب كمل معايا دايما واتوفق في الشغل ده يارب"