منتدى الفرح المسيحى - 🙏 *الرب*🙏 *قريب*🙏

🙏 *"صلي"* 🙏

🔸 *صلي* ..
عشان لما تصلي .. هتتغير .. هتفرح ..
هتحس بقيمتك ..
هتحس ان ليك حد حاميك ..
معاك حد بتفضفض معاه ..

🔸 *صلي* ..
واول صلاة اشكر ربنا كتير ..
اطلب منه زى ما انت عايز ..
بس قبل ما تطلب قوله ادينى نعمة اتقبل مشئتك وارادتك ..

🔸 *صلي* ..
احكى مع ربنا ف مواضيع كتير .. ومواضيع صعبة ..
ربنا عارف اللي هتحكيه ..
بس هو بيحب يقعد معاك ويسمعك ..
ربنا مش بيطلع اسرار حد برة !!

🔸 *صلي* ..
من أجل كل حياتك .. سواء مواقف .. ظروف .. عيشة .. احلام .. ناس معينة .. الكنيسة ..
صلي من اجل كل العالم ..
حتى الناس اللي برة العالم ..

🔸 *صلي* ..
لانك هتعرف حاجات كتير بعد الصلاة
هتعرف معنى الراحة ..
هتحس بطعم السعادة ..
هتبتدى تتغير ..
هتلاقي مشاعرك بتهدى اكتر واكتر ..
معامتلك هتبتدى تتغير ..
كيانك هينضف من كل خطية ..

🔸 *صلي* ..
عشان الصلاة هى الحاجة الوحيدة اللي بتخلي :
الانسان العادى قديس ..
بتخلي الزانى طاهر ..
بتخلي المريض مرتاح ..
بتخلي الفقير اغنى انسان لانه عرف يوصل لقلب ربنا ..
..
🔸 *صلي*..
وربنا هيسمعك
هيوعدك بالخير ومش هيخدعك
هيسمع كل طلباتك
وهيسدد احتياجاتك
وهيغير كل حياتك
من الوحل ربنا هيرفعك ..
كلمه واحكى معاه
ف الضيق قبل الفرج .. هتلقاه

حبب نفسك ف الصلاة
قرب منه .. بسلامه هيمتعك ..
متبصش انك قليل وضعيف
ربنا حنين وطيب ولطيف
▪هيحييك لو ميت ..
▪هيفتح عينك لو كفيف
ربنا هيشيل منك .. كل ألم بيوجعك !!

*ياريت بجد تجربوا مفعول الصلاة ف حياتكم !*

وأمانة تصلوا من أجلي !

🙏 *الرب*🙏 *قريب*🙏