منتدى الفرح المسيحى - المحبة كلمة صغيرة لكنها مؤثرة

المحبة ❤

https://upload.chjoy.com/uploads/153869249733881.jpg

كلمة صغيرة لكن تأثرها قوي، كلمة صغيرة لكن معناها كبير... المحبة لا تسقط ابدا،
لكن للاسف كام مرة سقطت مننا؟ كام مرة سقطت لما حكمنا على حد منعرفوش من شكله او تصرفاته؟
كام مرة سقطت لما انتقدنا عيوب غيرنا رغم عيوبنا الكثيرة؟
كام مرة سقطت لما مقبلناش اشخاص بمجرد اختلاف في الرائ او بمجرد انهم مختلفين عننا؟
كام مرة سقطت لما كنا سبب عثرة لغيرنا؟
المحبة اللي بجد لا تسقط ابدا، لانك بتلاقيها دايما موجودة في الضيق قبل الفرح،
المحبة الحقيقية لا تسقط في الظروف الصعبة، بتلاقيها سندك في وقت ضعفك،
بتلاقي المحبة هي حب منغير مصلحة او هدف، حب منغير شروط،
حب يستحملك في اصعب حلاتك، هي اللي بتطبطب وبتهون عليك مرار الدنيا
، المحبة مش مجرد كلام حلو بنقولوا عشان نحس ان عمالنا حاجة حلوة
، المحبة هي اسمع غيري رغم تعبي، هي احب اللي يكرهني، هي الصلاة من اجل اللي بيئزيني،

المحبة ممكن تكون سبب فرحة لحد فقد معنى السعادة
، المحبة بتلاقيها في الحاجات الصغيرة وبتفرق...
. عشان كدة حب وابداء بالمحبة تلاقي المحبة حوليك...
المحبة لا تسقط ابدا، لان اللي بيحب بجد بيحب على طول❤️❤️