منتدى الفرح المسيحى - واخـــــــــــده على خـــــــاطرى منك

http://a4.sphotos.ak.fbcdn.net/hphot...70723274_n.jpg

واخـــــــــــده على خـــــــاطرى منك
---------------------------------------

فى يوم قاعده مخنوقه
مكتئبه قاعده فى الاوضه لوحدى

قومت اتكلم معاه
ما انا متعوده على كده
كل ما ازعل اقوم اعاتبه
وان فرحت بقف واشكره

قولتله : عارف انت حاسس بيا
جوايا كلام كتير عاوزة اقوله
بس مش عارفه اتكلم
الكلام مش عاوز يطلع

بس كل اللى عرفاه انى واخده على خاطرى منك

اتكلمت معاه وعاتبته
وعتابى ليه كان قاسى اوى

قولتله انا كل اللى عرفاه
انى واخده على خاطرى منك
لما اكون متعشمه اوووووووووى فيك
وراميه كل ثقتى وتكالى عليك
وانت تخذلنى .... يبقى انت سبت ايه للبشر اللى منى
زعلانه منك ونفسى اوصفلك اللى جوايا
مش عارفه اقولك مش قادره احكيلك

بس انا زعلانه منك
ومش هسيبك الا لما تصالحنى
هو كده بقى
بنتك وبتدلع عليك
يرضيك تسيبها كده ... معتقدش
يا ابويا انت حنين
واستحاله تسبنى زعلانه

واخده على خاطرى منك
يالا بقى صالحنى

عوزاك تصالحنى
طلبى انت عارفه
يا توافق عليه
يا تقول سبب رفضه

وديه هتبقى اجمل هديه تصالحنى بيها
طب ابعتلى صوتك
ما هو يا اما انت سامعنى ومش عاوز ترد
يا اما انت مش سامعنى اصلا

ليه عاوز تحسسنى انك مش عاوز ترد
ووسط عتابى القاسى
وانا بكلمه فى الاوضه وقافله عليا

فجأه سمعت صوت بيقول (لست تعلم انت الان ما انا اصنع ولكنك ستفهم فيما بعد )

بصراحه انا اتخضيت
وقولت معقوله ترد عليا
جريت فتحت الاوضه واشوف الصوت
لقيت اخويا الصغير ماسك الريموت بيلعب فيه وهو اللى على الصوت

ضحكت ودخلت الاوضه
حسيت انى فرحانه
حسيت برده عليا
قولتله سامحنى
كلامى كان قاسى لاخر وقت
لكن انت ديما حنين عليا
بحبك يا احن اب
منقول