منتدى الفرح المسيحى - زوادة اليوم : الإيجابيات

زوّادة اليوم:
بيخبرو عن ملك شعبو بيحبّو كتير. هالملك عندو اعاقة جسديّة، اجرو و ايدو خشب من بعد ما انْصَاب بمعركة. كان هالملك عم يتمشّى بالقصر شاف لوحة لجدّو ، فكّر انّو هوّي ما عندو لوحة الو حتّى يتذكّروه ولادو و قرّر يعمل لوحة الو. دعا رسّامين المملكة و طلب منّن يرسمولو لوحة. صارو واحد ورا التاني يعتذرو خافو انّو تطلع الرسمة بشعة لأنّو رح تبيّن اعاقتو و بركي يعصّب و يقاصصن. واحد بس قبل يرسمو. بعد جمعتين شغل قال الرسام انّو اللوحة جاهزة. كل الناس كان عندن الحشرية يشوفو شو رسم و خايفين من ردّة فعل الملك! زاحو الستارة عن اللوحة و بيّن الملك راكب عا حصان و اجرو و ايدو اللي فيهن مشكلة مش مبينين و حامل بارودة عم يتصيّد. فرح الملك باللّوحة و انعجب بذكاء الرسام. الزوّادة اليوم بتقلنا انّو بموقف صعب و قدّام صعوبة معيّنة بس نتصرّف و نفكّر بإيجابيّة رح تنحل المشكلة و ما منكون الّا راضيين. السلبيّة بالحياة بتجرّ السلبيّات و الإيجابيّة بتجرّ الإيجابيّات...الله معكن