منتدى الفرح المسيحى - بنتقلب في لحظة

الحياة بتتشقلب بمكالمة تليفون .. بنتيجة تحاليل ..بكلمة واحدة من دكتور بعد كشف ... بتعدية شارع .. بخطوة غلط ف الشارع .. بمقابلة شخص .. بخبطة عبيطة ... بكلمة بايخة او قاسية من شخص .. بموقف أهبل ف لحظة !!
الحياة كلها بتتشقلب في لحظة ...
لحظة بس كفيلة إنها تلففك حوالين نفسك مهما كنت مخطط ومرتب و مأمن!
لحظة واحدة كفيلة تجيبك الأرض ف عز جبروتك!!

الحياة كل يوم بتعلن إن مفيش ضمان فيها غير "ربنا" !!
الحياة كل يوم بتثبت و بقوة إن "تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ"
عشان لا فهمك ولا قوتك ولا فهلوتك و واسطتك ولا فلوسك...بتنفع قدام لحظة من اللحظات دي!!

ما تزعلش نفسك علي حاجة و ماتشلش هم بكرة...ماتموتش نفسك عشان بكرة
عشان الدنيا كلها بتتقلب ف لحظة...ومحدش عارف اللحظة الجاية شايلة ايه

ف ريح بالك و ارمي كل الهموم و الافكار و القلق علي ربنا...عشان كل الادلة و الاحداث بتثبت ان مفيش اي ضمان للدنيا دي..غير ربنا

#بتتقلب_في_لحظة
#مفيش_ضمان_غير_ربنا
#احفظنا_وارحمنا.