منتدى الفرح المسيحى - حياتك مع الله دي ملكك إنت ..

ياولاد يابنات .. إنتوا زعلانين ليه؟ ومعثرين ليه؟ دي حرب من عدو الخير علشان تبعدوا عن الكنسية وتعاليمها وإيمانها وكمان رهبانها .. إوعوا ياولاد وبنات المسيح تبعدوا عن عمود الحق وقاعدته ربنا يسوع المسيح له المجد .. إوعوا تبعدوا عن القديسين وشفاعتهم ليكم ، دول هما السند .. حافظوا علي حياتكم الروحية مع الله ، دي حياة شخصية بينك وبينه ، ماتخليش حد يخربها عليك مهما سمعت ومهما قرأت .. حياتك مع الله دي ملكك إنت .. حافظ عليها .. ماتخليش حد يسرقها منك!! ولا تخلي فكر الغير يحيرك .. لكن إرفع إيدك للمسيح وصلي .. وتعال نور شمعة أمام أيقونة شفيعك أو شفيعتك .. وإسجد أمام الهيكل .. وإسحب إيد أبونا وضعها علي رأسك علشان يبارك ويحالك .. ورنم مع الشمامسة أمام الذبيحة سبحوا الله في جميع قديسيه هاليلويا هاليلويا .. إلحق روح خلوة .. خد بالك إنت ناسي الترنيمة دي؟ ولا إيه؟ .. بتقول (يسوع في السفينة ياريس + قوته عظيمة ياريس + يسوع في السفينة) كن في سلام.