منتدى الفرح المسيحى - لو مفيش احترام

https://upload.chjoy.com/uploads/153674091400531.jpg

فكوا الخطوبة علطول "لو مافيش احترام" ..
وساعدوا ولادكوا ياخدوا القرار ..
وشجعوا اصحابكم انهم يقولوا لأ ..
واسندوا قرايبكم انهم مايخافوش من نظرتكم ..

لو مافيش احترام ..
هيبقى فيه كدب ..
وعدم ثقة وشك ..

لو مافيش احترام ..
هيبقى فيه اهانة ..
وقلة تقدير واهمال ..

لو مافيش احترام ..
هيبقى فيه تعدى ..
وعتف مبرر بمليون سبب ..

لو مافيش احترام ..
هيبقى فيه انفصال ..
حتى لو عايشين سوا ..

لو مافيش احترام ..
هيبقى البيت متفكك ..
والمركب كأنها فى بحر هايج ..
من غير شراع ..

لو مافيش احترام ..
بدل ماهتدوسوا على مشاكلكم سوا ..
هتدوسوا على بعض ..
ومشاكلكم هتدوس عليكم ..