منتدى الفرح المسيحى - واقعى كله موت وواقعك كله حياه يسوع

https://upload.chjoy.com/uploads/15360562014961.jpg

سمعاك بتقولى بحبك
سمعاك بتقولى جميله
بس انت ازاى بتحبنى وانا ضعيفه وضئيله
ليه بايدك محاوطنى ليه بتعطينى امل
ازاى شايف جمال وانا كل اللى فيا فشل
ازاى بتقول عايزنى ازاى لسه شايفنى
ووسط كل الناس لسه مختارنى انا
انا انا اللى فى اى حته دايما اقل
وانت الاله العظيم
انت اللى خالق الكل وتقولى انا بحبك انتى بنتى المقبوله
بس انت مين وانا مين
انت الاله وانا من طينه معموله
ده حتى امى امى مش ساعات بتزهق منى

يسوع
بس انتى بنتى وحبيبتى اللى مفيش حد زيها
الانا
ده حتى حبيبي سابنى وقالى زهقت منك
يسوع
محبه ابديه احببتك وعمرى ما هاتخلا عنك
الانا
بس انا فاشله ضعيفه
يسوع
انت ناجحه وقويه
الانا
انا وحشه وغبيه
يسوع
انتى جميله وذكيه
الانا
ازاى ازاى شايف كل ده
فى شخص معدوم الامل
ازاى شايف نجاح وانا كل اللى فيا فشل
شايف منين واقع غير اللى انا شيفاه
واقعى كله موت وواقعك كله حياه
يسوع