منتدى الفرح المسيحى - لية مفيش حد جنبي

https://upload.chjoy.com/uploads/153483644073531.jpg

الفترة الي فاتت كانت بتمر عليا أوقات بقول لنفسي انا لية مفيش حد مهتم بيا !!
لية مفيش حد جنبي ..
كل مرة كنت باسعى باستماتة للتقرب من بعض الناس ,
كنت بلاقي شبه نفور أو عدم اهتمام من الطرف الاخر
وكل مرة كنت بتنازل وبسعى لإرضاء البعض كنت بلاقي دايما نتيجة عكسية
ع فكره دا مش عشان الناس دي وحشة .. لكن المشكلة كانت فيا انا ..
اكتشفت أن طبيعة النفس البشرية بتميل للي يبعد عنها ..

من الحاجات إللي اتعلمتها بعد تجارب كتير إن أفضل شخص لازم تسعى فعلا إنه يحبك ,,,
هو انت نفسك وده كافي جدا

3 نقاط لو طبقتهم هتحل كل ازماتك النفسية دي !!

النقطة الأولى انك تسعى ورا هدف تقاتل عشان تحققه ..
كلنا جوانا احلام عايزين نحققها .. اجري ورا هدفك دا وقاتل عشان توصله ..
كل مرة تحس انك هتقع ومحتاج حد جنبك فكر نفسك إن الوقت إللي ممكن تضيعه في الحزن على عدم اهتمام الناس , هدفك أولى بيه !!

النقطه التانية .. " لا يكلف الله نفسا إلا وسعها " ,
وإن أي أزمة أو مشكلة هتتحط في طريقك هي بقدر الله ,
فربنا يقينا مديك كل الإمكانيات إللي تقدر تخرج بيها من الأزمة ,,,
بنفسك مش بمساعدة حد تاني ( خلي عندك ثقة فى ربنا )
.
النقطة التالته هى "أن لنفسك عليك حق "
لازم تدي لنفسك مساحتها ,
إنك تسطح العلاقات وماتربطش نفسك بحد بشكل مبالغ فيه وإنك محتاج تبقى قوي " بنفسك " الأول قبل ما تبدأ تقوي غيرك وتضيع وقتك عليه

لازم تحب نفسك بكل القدرات الي ربنا ادهالك عشان تقدر تحل بيها أي أزمة " لوحدك "