منتدى الفرح المسيحى

https://upload.chjoy.com/uploads/153479454853921.jpg

ماكنتش فاهم يعنى ايه "سحر الاعماق"

كنت فاكر ان الموضوع ..
مجرد مناظر طبيعية ..
مش هتعرف تشوفها غير فى الاعماق ..

لحد مانزلت ..
واكتشفت ان سحر الاعماق ..
حاجة تانى ..

مكان بيجبرك ان تسكت ..
لأنك مش هتعرف تتكلم ..
مش هيفضل لك غير ان انت تفكر ..
وتتأمل ..
ودى حاجة صعب جدا تعملها بارادتك ..
فى اى مكان تانى ..

مكان بيجبرك انك تسمع صوته ..
حتى لو الصوت ده مجرد صوت موج ..
او حركة مياه ..
وتلاقى ودانك بتسمع اقل حركة ..
وتاخد بالك منها ..

مكان بيخليك تستقبل اكتر ما بترسل ..
وده صعب جدا تعمله فى اى حتة تانى ..

كل ده ..
غير انك بتتعامل مع كائنات ..
عايشة فى هدوء وصمت ..
فيها من الجمال والرقة ..
اللى يخليك تدوب عشق فيها ..
ولا يفرق معاها ..

فعلا سحر ..
لأنه بيخليك تعمل حاجات ..
انت مش قادر تعملها ..