منتدى الفرح المسيحى

https://upload.chjoy.com/uploads/153376736320591.jpg

صوتك لما سمعته حرك قلبى ولمس كل كيانى واحيانى
نظره عينك ليا خلتنى اقوم وانتفض تراب القبر وافك رباطاتى
سبت ملك السما ونزلت لجحيم ارضى وعشت تحت سقفى
علشان تسترنى وتغطينى وتغفرلى وتخلصنى وبدمك تفدينى
وانا خجلانه منك ومداريه فى عالم قدامك كله مفضوح متعرى
وترد عليا بصوتك الحانىِ صوت الحب من قلبك وتقولى
.
.

علشانك سبت عرشى ونزلت افديك ايوه بجسدى ودمى
علشان اردك وارجعك لحضنى وتعيش على طول جنبى
عملت كله ده وانت مش حاسس انى بحبك وانت فى قلبى
نقشتك على كف ايدى وشلتك جوه عينى وغطيتك برمشى
ورثتك السما وبجهزلك العشا تعال انت مدعو وانا مستنى
.
.

وارد انا بخيبتى واقوله سيبنى متهنى متنعم فى ارضى
انت عاوز منى اتعب واجاهد واركع واصوم واصلى
وانا عاوز اعيش على مزاجى بقيت عمرى متهنى
ويكلمنى بكل حنيه ودمعه حب فى عينه ويقولى
.
.

حبيبي مش هتجاهد لوحدك وهمومك وحملك هيبقوا همى
الهنا مش يومين تعيشهم وفى النهايه تندم على ايامك و تبكى
فرحك هيمشي وغناك هيفنى وجمالك هيبقي زى عشب حقلى
.
.

فبكيت انا من إلحاحه وحبه وقلت مين بيخاف عليا وزيه بيحبنى
وقررت اسلم حياتى وكل همى ووجعى وهو يشيلنى ويفرحنى
وانا كطفل هقف اتفرج وانتظر عمله فيا وهو كل يوم بيطمنى