منتدى الفرح المسيحى - محتاجين نستخبى بوش دهان

https://upload.chjoy.com/uploads/1531864562411.jpg

دايما لما نيجي نوصف حاجة نقول دي فيها كذا وكذا وشوية حاجات فوق بعض

..مابناخدش بالنا ان الحقيقة اللي فينا اننا شايلين شوية حاجات فوق بعض .

. زي العمود ده ! واقفين صالبين نفسنا بس تركز شوية تلاقي الهيئة مش مظبوطة

.. محتاجة وش كمان عشان ده كله يستخبي .. عشان الطوب ده متلصم ..

جوانا كدة ..متلصمين عشان ننسي اللي فات متلصمين عشان نكمل احلام اهالينا

اللي مش كلها احلامنا ..متلصمين ف الذكريات للي سابونا وسافروا السما مرواح من غير رجوع...

متلصمين واحنا بنحلم بحاجات وناس بعيدة .. متلصمين نبني حياتنا

متلصمين بنحاول نعيش كويس وسط مجتمع مش بيساعد ..

متلصمين قصاد التعب وقصاد الكفاح .. ثابتين مكاننا وفينا حاجات كتير قوي فوق بعض

محتاجة تستخبي بوش دهان ..
ف الواضح اننا لازم نقول كفاية و نطلب الوش ده يغطينا .

.من غير ستره هنتعب ..ومن غير تظليله هنخاف ..ومن غير بهجته مش هنطمن

..هيقوي تلصيمتنا طالما طالبينه هيحافظ علينا وهيقرب خطوتين لو اتحركنا بس من مكاننا

..نادي عليه واصرخ يا يسوع خليك دايما معايا..