منتدى الفرح المسيحى - كونوا حكماء كالحيات

رجاء محبة
ارجوكم و خصوصا البنات و السيدات متبعتيش طلبات صداقة لأي اكونت علي الفيس بأسم
اب راهب .... إب كاهن .... أسقف
إلا لو كنتى تعرفية معرفة شخصية و متأكدة من أن هو الي علي الاكونت
للأسف ناس كتير جدا مش كويسه بتستغل اسماء
قسس ... رهبان. ... واسقفة في بعض الأحيان
علشان تعمل اكونتات مزورة
ومش شرط يكونوا مش مسيحين لأن للأسف في منهم بيكون مسيحى
رجاء محبة ..... أي صفحة دينية مهما ان كانت مشهورة أو معروفة
متدخليش علي الرسايل و تحكى مشاكلك الشخصية
انتى متعرفيش مين الادمن و متعرفيش ممكن يستغل ظروفك دى ازاى ..... مبقولش الكل وحش
انا كمان ادمن في صفحة دينية
بس بقول نخلي بالنا و السيد المسيح بنفسه قال
( كونوا حكماء كالحيات )
مخنوقة و تعبانة و عايزة تفضفضي دة حقك روحى لاب اعترافك و احكي كل الي جواكي. ...
لا انا محتاجة اتكلم مع حد معرفهوش في كلام عايزة اقولة لحد ميعرفنيش. ... حقك بردة
ادخلي اي كنيسة تلاقي بابها مفتوح اسألي علي ابونا و اقعدى معاة و اتكلمى زى مانتي عايزة
بلاش تتكلمي مع حد من وراء شاشة الكمبيوتر أو التليفون

و انتى مش عارفة هو مين أو حتى شايفة ردود افعالة علي كلامك