منتدى الفرح المسيحى - لا تخف هو معاك

https://upload.chjoy.com/uploads/1531524690511.jpg

في الوقت اللي كان فيه بولس في السفينة وهاج البحر عليهم

وبدأ كل البحارة والملاحين يرموا كل الحمولة اللي على المركب

وماكانوش عارفين يعملوا إيه، وبيقول الكتاب أنه بعد ما قعدوا فترة كبيرة يصوموا

وقف بولس في النص وقالهم " ماتخافوش مافيش حد فيكم هايحصله ضرر

والضرر الوحيد هايكون للسفينة لأن ملاك الرب ، الإله اللي أنا بعبده،

جالي وقالي " لاَ تَخَفْ " الله هايحفظ كل الناس اللي معاك في المركب حتى لو أنتم استسلمتوا

وده كان إعلان بولس عن تحقيق وعد الله ليه وأنه مصدق في كل اللي اتقاله

" لِذلِكَ سُرُّوا أَيُّهَا الرِّجَالُ، لأَنِّي أُومِنُ بِاللهِ أَنَّهُ يَكُونُ هكَذَا كَمَا قِيلَ لِي"

بس لازم الأول ندور على جزيرة علشان نقف عليها ..
لو بتمر بضغط أو ضيق أو موقف صعب

وحاسس نفسك خلاص مش قادر واستسلمت للواقع اللي أنت عايش فيه
وبتقول إنه مفيش فايدة، الله النهارده بيوصلك الرسالة دي " لا تخف " هو معاك

، لو في ايدك حاجة اعملها، ولو مفيش ثق في وعده هو مش هايسيبك.