منتدى الفرح المسيحى

احيانا نشوف خادم جديد عنده حماس ف الخدمه

فنستغل ده ونفضل نكلفه بحاجات كتيرررر وهو بيوافق دايما ومش بيقول لا :)
للاسف مع الوقت هتلاقي شيطان المجد الباطل بدا يحاربه
ويحسسه انه افضل من الخدام الاقدم منه
هتلاقي شيطان تاني غير المجد الباطل

وهو شيطان الكراهيه اللي هيحارب باقي الخدام سواء كانوا لسه جداد ف الخدمه او اقدم تجاه الخادم ده
ياريت كمسئولين وامناء خدمه نشجع الكل ونشغل الكل لان كلنا واحد ف كرم ربنا ومفيش حد افضل من حد
بلاش نخلق محاربات بنفسنا تهدم الخدمه وتاثر بالسلب عليها
عمر ما كانت المنافسه اسلوب مناسب للخدمه

الكل واحد