منتدى الفرح المسيحى - عصابة سمير ومنير

https://upload.chjoy.com/uploads/1530166520811.jpg

(كل الاشياء تحل لي ولكن ليس كل الاشياء توافق)

سمير ومنير اتفقوا يعملوا عصابة نشل ووزعوا الادوار

واتفقوا ان سمير هيلخم الزبون لحد ما منير يسحب المحفظة...

.خطة عبقرية وماتخرش المية ....العالم يلخمنا لحد ما ابليس يسرق ابديتنا.....

لا الفسحة خطية ولا الخروجات خطية ولا اللبس ولا الاكل ولا الاملاك ولا الاموال....

كل دى حاجات حلوة يهبها لنا الله بغنى للتمتع زى ما قال الكتاب....

ولكن الملاحظ ما يلي....الامور العالمية خاصة لو بشكل مبالغ فيه

تشتت الذهن عن التمتع بمعرفة وعشرة المسيح وعمليا ارى

وبمنتهى الوضوح ان كثرة التعامل مع هذه الامور يبرد الروح

ويقلل الالفة مع الالهيات واخطر ما في هذه الامور

انها ليست خطية فى حد ذاتها فسمير لم يسرق

ولكنه يهيئ البيئة المناسبة للخطية اللى هو منير
علشان كده ممكن تلقى حد يقولى بعد الموضوع ده...حرام عليكم عقدتوا الناس وخنقتوهم....

بس الواقع العملى بيقول ان الجرعات الزائدة من هذه الامور العالمية

بالفعل تبرد الروح وتطفئها وتقلل شهية الانسان تجاه الالهيات خلى بالك من سمير اكتر من منير