![]() |
طوبي للرحماء علي المساكين
https://upload.chjoy.com/uploads/1529811545181.jpg ● لما تشوف ست غلبانة واقفة بترابيزة في حوش الكنيسة بتبيع عليها حاجات او شاب بسيط واقف بترابيزة عليها اكسسورات اوعي تمنعهم او تطالب بمنعهم بحجة قدسية الكنيسة . . مش دول اللي بيقللوا من قدسية الكنيسة .. . اللي بيقلل من قدسية الكنيسة كل واحد علي المنبر او في خدمته مش بيقدم المسيح ● لما تشوف واحدة حاطة قفض عليه شوية مناديل او شوية خضار . . او واحد بعربية تين شوكي حاول تشتري منهم او علي الاقل اديهم حاجة من عشورك .. واوعي اوعي تفاصل معاهم الناس دي يوم مالدنيا تفتح اوي معاهم . . بيدخلهم مكسب ٥٠ جنيه في اليوم ● لما تشوف محل بيكسب اوي ومحل مش بيكسب مع ان الاتنين بيبيعوا نفس المنتج بنفس الجودة .. حاول تنفع اللي مش بيكسب ● وانت نازل الصبح هتلاقي واحد قد ابوك بيفتح دكانته او بيفرش فرشته ادعيله من قلبك بالرزق وحاول لو امكن تنفعه بشراء حاجة بسيطة انت محتاجها ● البياعين اللي علي الارصفة وعاملين زحمة معلش استحملهم شوية غلابة ومعدومين ومش بايديهم الشقا ده .. وكان ممكن تتولد تلاقي ابوك او امك واحد او واحدة منهم ● لو شجاع وشهم اوعي تيجي علي الغلابة والضعاف والمطحونين ... لو شجاع وشهم اتكلم في وش الكبار الظالمين ●● وطوبي للرحماء علي المساكين |
رد: طوبي للرحماء علي المساكين
لو شجاع وشهم اوعي تيجي علي الغلابة والضعاف والمطحونين
ربنا يفرح قلبك |
رد: طوبي للرحماء علي المساكين
ميرسى على مرورك الغالى :) |
رد: طوبي للرحماء علي المساكين
ميرسي كتير على مشاركتك الجميله
ربنا يباركك |
الساعة الآن 11:24 AM |
Powered by vBulletin® Copyright ©2000 - 2025