منتدى الفرح المسيحى - وجوده هو النفس والطاقة

https://upload.chjoy.com/uploads/1529731325371.jpg

من عنين "ابنى" اللى بتبصلى لما نبدا نتتعلم حاجه جديده

وكانه بيقولى هو انتى مصدقه فيا كده ازاى!!

طب جايبه العشم ان هعرف اعملها منين.؟؟ ....

ف الوقت ده بفتكر ملامحى وهى بتبصله لما بلاقيه بيحطنى على بدايه سكه صعبه ورحله معالمها مش واضحه

بفتكر لما بقوله هو انت مش عارفنى ولا ايه !!..جبت الرجا والثقه دى فيا منين؟ ..

بتجدد الامل فيا ليه برغم كل مرات ومحاولات الفشل اللى ملاحقانى .

.بتثق فامكانياتى ليه وانت عارف فقرى ونقصانى وقله حيلتى .

.ملامحك اللى مرسم عليهم كل انتظار..ولهفه..

وعشم ان المرة دى هعرف اعملها جبتهم منين؟..

ساعتها برجع للعنين النونوو اللى لسه مستنيه منى الرد

ولاقي نفسى بطبطه تشجيع على كفوفه بقوله علشان.. ماما هنا هتعرف تعملها :*

..ساعتها بس بعرف ان الموضوع مش فيا الموضوع فى وجوده هو يسوع

هو النفس والطاقه وجوده هو الحيل وشده الايد والركب المرخيه ..هو بابا فمتاكده ان هعرف اعملها ❤