منتدى الفرح المسيحى - زوادة اليوم : لا تخف لا تخف أنا معك

زوادة اليوم: لا تخف لا تخف انا معك

قلناها من قبل و رح نضل نعيد حتى نوصل للهدف اللي حطو يسوع! بالإنجيل مكتوبة عبارة لا تخف 365 مرة عا عدد ايام السنة! ربنا عم يذكرك كل يوم انو هوي حدك و مش تاركك و انت بعدك بتخاف و بعدك بتعتل هم و بتتكل عالناس يحللولك مشاكلك بوقت عندك حدا اقوى بكتير ، دايما حاضر، دايما فاضيلك و ناطرك، دايما بيسمعلك قد ما كانت ضجة حياتك عالية. ايام منكون بموقف منقول هيدي النهاية و هون بتخلص حياتي شوي ما منحس الا ايد خفية سحبتنا عا بر الأمان و بعدنا منخاف! بعتلنا ربنا ابنو الوحيد اللي مات فدانا و بعدنا منخاف، كل فترة بيطلع من بلادنا قديس و اعاجيبن واصلة عا كل البلاد و بعدنا منخاف!كل يوم بآخر الزوادة منقلكن الله معكن مش لأنو تعودنا هيك لأ لأنو عنجد الله معكن! شو بدك بعد يا انسان تا تصدق انو الله حدك و تسلمو حياتك؟!بيقولو شخصين بيتتبعولك حياتك و خبارك بأدق التفاصيل: اللي بيحبك كتير و يلي بيكرهك كتير، لازم يكون عندك الإيمان انو الله محبة و بس تعرف قديش بيحبك بتتأكد انو متابعلك حياتك لحظة بلحظة و ماشي حدك و قبل ما تتفركش بيكون مهديك. و اذا شي مرة وقعت مش يعني هوي مش هون، يعني الوقعة ما رح تأذيك بس رح تقويك اكتر.بس تصير من قلب مشكلتك تشكر الله بدون خوف نيالك لأنو الله معك و انت عارف! الله معنا فمن علينا!

https://b.top4top.net/p_901lxj6o0.jpeg