منتدى الفرح المسيحى - قولوا قبل فوات الاوان

https://upload.chjoy.com/uploads/1529443237071.jpg

قولوا " بحبك " للناس اللي بتحبوهم من غير خوف ومن غير خجل...

قولوا " وحشتني " للناس اللي انتوا مفتقدينهم من غير حسابات ومن غير انتظار...

قولوا " معلش انا اسف " للناس اللي غطلتوا في حقهم او قصرتوا معاهم

من غير تعقيدات ومن غير هروب...

قولوا " شكرا انك موجود " للناس اللي انتوا ممتنيين لوجودهم وفارقين في حياتكم

من غير سبب ومن غير تفكير ...

قولوا " انا محتاجلك " للناس اللي انتوا عاوزينهم في حياتكم ومشتهين قربهم من غير تردد ومن غير توقع...

قولوا " انا مش عاوز اخسرك " للناس اللي عاوزين تعاتبوهم

وقولوا كل اللي جواكم بصدق ناحيتهم وتجاوزوا عشان ترجعوا من غير تراكمات ومن غير تجريح...

كونوا صادقين وعبروا عنكم وعن احتياجات ورغبات ارواحكم وقلوبكم بالكلام

قبل ما الوقت يسرقكم وتستهلكوا عمر طويل في الخوف والخجل والهروب والتردد

والانتظار وغيره وغيره من الحاجات اللي تمنع طعم الحياة الحقيقي عن حياتكم