منتدى الفرح المسيحى - شلت عار الصلب وحدك

https://upload.chjoy.com/uploads/1529179901891.jpg

+ كل يوم يارب كنت معاهم بتعلمهم وبيشفوك

جيت تدي بسمة للي عاش طول عمرة غرقان في بحر الدموع ,

خرجوا عليك زي لص أصلهم ما بيعرفوك , رغم أنة كتير نداهم يرجعوا لكنهم رفضوا الرجوع

, جية لناسة وناسة ضدة مش معاة , لما عاشوا في ضلمة وشرور كان طبيعي يرفضوة مهوة أصلوة نور ,

سلموك لمحاكمة كل شهودها زور , حبوا موتهم قاموا يتحدوا الحياة

, بالسكوت في المحكمة كان متهم ومن غير دفاع , مش بينطق أي كلمة تنقذة من حكم موت

, بس كان في سكوتة حكمة مش بتعرف الدفاع , ياااااااة يارب علي حبك إلي بيبذل نفسة وبيبان بالسكوت

, وقفوك قدام بيلاطس يرمي حكم الموت عليك

, أنتا عارف قلبة هوة وهوة عارف برك انتا وانتا شايف شرة فية منتا شكلتة بأديك

, انتا عارف كل واحد كان معاك ولا كان عليك , كان هيخضعلك ياربي لو رميت حكمك علية

, كنت ساكت بس لية , كان يارب صمتك عشاني كان عشان تاخد مكاني ,

وانا لسة لحد النهاردة بجرحك وانت بالحب ترضي

, قلبي واقف في المحكمة يدي ضربة ويدي لكمة

, وانتا برضوة بكل حكمة بتقبلني بكل خير , علشان تفدي نفسي جيت بحب ملهوش حدود

, لما شوفت يارب يأسي جيت علشان تكسرلي القيود

, جيت علشان تغفرلي زنبي , جيت علشان تملكلي قلبي

أنتا مقولتش إنك جاي تملك علي اليهود , أنتا مالك كل شئ من قبل مايكون الوجود ,

أنتا مش محتاج ممالة دة أنتا فوق الكل مالك , اختبرت الحزن لما أترفض في وسط ناسك ,

جابو كل الألام وجم يدبوها في كاسك ,(( رغم غن الشر فيهم والعذاب شوفتوة بأديهم كنت جاي طالب رحمة ليهم )) رغم أني كتير بعندك بلقي الرحمة عندك
, حتي بطرس ساب إيديك ملتزمش بوعدة ليك رغم أنة بجرءة قال لو يشك الكل فيك عمري يوم ما هشك فيك

, قال لأ منكرهش بس لما شاف ظلم الوحوش جاتلوة جارية بسيطة قالتلوة تعرفوة قالها لأ معرفوش

, أأأأأأأأة ياربي خايف اعمل زي بطرس وابقي ليك في الفرح بس

, خايف اعمل زي بطرس وانسي كل وعودي ليك