منتدى الفرح المسيحى - حديث بين الله وإبليس

https://upload.chjoy.com/uploads/1528497231051.jpg

الله : أيوب عبدي..
شايف بيحبني وبيشكرني وبيطيعني ازاي..
مفيش زي ايوب في عظمته..

إبليس : مهو لازم يطيعك يارب..
انت اديته كل النعم..
مال..اولاد..جاه..صحة..
عايز بعد كل ده وميحبكش..
سيبني عليه وانا هخليه ميحبكش..

الله : هثبتلك انه بيحبني مهما حصل..
هو ليك هو وكل ماله لكن روحه ليا لا تمسها..

ابليس: هثبتلك يارب انه هيسيبك وهيكرهك لما تاخد منه كل حاجه..

ويجرب ابليس ايوب في ماله وصحته واهله..
ويزداد ايوب ثبات في ايمانه..
وجزاء لايمانه بالله يعوضه اضعاف ما اخذ منه..

انت كمان ربنا بيكون مبسوط منك..
ييجي ابليس يتغاظ منك..
يحاول يوقعك..
بسماح من الله علشان يثبت لابليس انك ابنه وبتحبه مش علشان النعم اللي هو مديهالك بس..
لكن بتحبه في كل الاحوال..

ييجي ابليس يجربك..
في مال..في اولاد..في صحة..

اوعي تفتكر ان ربنا ناسيك..

ده شايل لك اضعاف اللي اتاخد منك..

خليك اد الثقة اللي ربنا وضعها فيك..

اصبر..واستني..واشكر..
اوقات الله غير اوقاتنا..