منتدى الفرح المسيحى

https://upload.chjoy.com/uploads/1528445426441.jpg

الصراحه راحه..مش بس مع اللى بتتعامل معاهم لكن مع نفسك..
كل ما هتكون صريح مع نفسك هتختصر الوقت اللى هتتغير فيه وتطور كمان!
اللف والدوران على روحك ممكن يكون بيطول الوقت من اكتشاف الحقيقه لكن المفاجأه ان الالم الناتج من صدمه الحقيقه ااقل بكتير من التعب اللى نفسيتك بتعانيه وانت مأجل ميعاد شوافانها على حقيقيتها!

فى آيه بتقول "وتعرفون الحق والحق يحرركم"
الحقيقه بتحرر..
واجه نفسك بالحقيقه لو فعلا عاوز تتغير..

قول لنفسك الحقيقه علشان ترتاح..انا غيران مش هما المغرورين..
انا معنديش ثقه بنفسى ..الحق عليا مش عليهم..انا طلباتى مش منطقيه......الخ
الاعترافات دى محتاجه شجاعه وصدق..بس النتايج مريحه بشكل!

والحقيقه مش دايما مؤلمه بالعكس ده فى اوقات بتكون انت مصدق اكاذيب سلبيه عن نفسك ومحتاج توريها الحقيقه علشان تنطلق.. قول..
انا ممكن مكونش جميل الصوره لكن قلبى حلو وانا محبوب من ناس حلوين كتير ..
انا شاطر ف الامر الفولانى..انا ممكن مكونش حققت حاجه كبيره بس انا بكبر و بتطور وهحقق..

اكتر حد ممكن يزيح الستاره من على مرايه الحقيقه ويفرجك على روحك من غير خساير هو ربنا وفى محضره..

ارشاد روحه بيخليك فى اتزان عجيب تشوف عيوبك من غير ما تدمر وتشوف مميزاتك من غير ما تتكبر..
تبقى نفسيتك مظبوطه و مرتاحه وبتحلو..وعليها كمان هتريح اللى بيتعاملوا معاك.