منتدى الفرح المسيحى - حوار مع نفسى

https://upload.chjoy.com/uploads/1527984754391.jpeg

- وعوّضك ازاي بقى؟؟ غيرلك ظروفك؟
- لا.. غيّرلي دماغي.
- يعني ايه؟
- يعني زي ما تقول كدة بدّلي روحي المهزوزة وحط جوايا هدوء مش مرتبط ببشر او ظروف خارجية.
- وده كفايا؟
- عليا على الأقل.
- والواقع والظروف والضغط اللي بره؟
- مطلعتش هي المشكلة، مشكلتي طلعت في روحي بقولك، في عينيا اللي باصّه على كل حاجة الا هو.
- اه بمناسبة "هو" .. هو فين بقى في كل ده؟
- جوايا ..
- بطل تتفلسف يابني! يعني ايه جواك؟
- صدقني ما فلسفة .. ده حضور ملازمني ومحاوطني منين ما اروح.
- يعني مبقتش تعبان زي الاول؟
- من بره لسا تعبان، يمكن التعب بيزيد اصلاً.. بس من جوه مش مكسور ولامخضوض زي زمان

، الغريبة اني في وسط كل ده من جوايا هادي ومبسوط.
- بس ده استسلام؟
- بالعكس ..دي قوة متجيش غير منه هو.
- طب والواقع هايتغير امتى؟
- صدقني معرفش.. ومبقاش فارق معايا اعرف اوي.
- بذمتك مقتنع بالكلام ده؟
- مش مقتنع بيه.. أنا عايشُه..
- طب وايه يضمنلك تكمل على كدة؟
- هو .. هو قالي "هاسندك"، وانا بصدّقُه..